MAJANGA: BARABARA HATA MWEZI HAUJAISHA YAANZA KUWEKWA VIRAKA VYA SARUJI JIJINI MBEYA

Barabara kuu ya itokayo katikati ya jiji la Mbeya kwenda Mbalizi kupitia Mabatini Meta imeanza kuharibika mapema toka lami iwekwe takribani mwezi mmoja uliyopita hii ndiyo halisi ya barabara hiyo

kweli hii barabara itamaliza mwei huu?

Wahusika mpoooo

Tayari baadhi ya maeneo ya barabara hiyo mashimo yameanza kuzibwa na tope la saruji

Picha yenyewe inajieleza je hii ni halali?

Huyu ndiye muigizaji brian deacon aliyeigiza kama "yesu" na anachokifanya kwa sasa katika maisha..!!

Brian Deacon ndio jina lake mwigizaji huyo ambaye ni mwingereza aliyezaliwa mnamo tarehe 13/02/1949 huko Oxford nchini Uingereza akiwa ni mtoto wa pili katika familia yao baba yake akiwa fundi makenika na mama yake akiwa ni nesi. Ndoa yake ya kwanza na Rula Lenska ilivunjika ambapo alizaa na mkewe huyo binti yao aitwaye Lara Deacon,ndoa yake ya pili alioana na mwanamama Natalie Bloch mnamo mwaka 1998 mpaka sasa wapo kwenye ndoa hiyo.

Brian Deacon ndani ya filamu ya ''JESUS''
Aliigiza filamu ya Yesu ambayo pia ilimfanya aokoke mara baada ya kuitazama akiwa na miaka 30,baada ya kupita kwenye mchujo mkali wa waigizaji zaidi ya elfu moja ambao walifanyiwa mahojiano huku 260 wakijaribishwa kuigiza(screen test)kuona kwamba wanafaa akiwa ni mwingereza pekee kati ya waigizaji Waisrael walioingia kwenye usaili huo akiwa chini ya kampuni iitwayo New shakespears ambako alikuwa akifanya sanaa za majukwaani na uigizaji.


Brian Deacon miaka iliyofuatia baada ya kuigiza kama Yesu.

Amesema kabla ya kuchaguliwa mtihani wake wa kwanza ulikuwa kutoka kwa wakala wake aliyemvunja moyo kwakumweleza hadhani kama yeye(Brian)atafaa kwenye kumwigiza Yesu,lakini anasema alifanikiwa,baada ya hapo akawa na wakati mgumu kutoka kwa watu ambao kila mmoja alikuwa anajaribu kumweleza jinsi anavyotakiwa kuigiza,sauti yake na mambo mengine,ingawa yeye alisema nitatumia sauti yangu na maelezo kutoka kwa muongozaji.

Amesema wiki tatu kabla hawajaanza kurekodi filamu hiyo alisoma kitabu cha Luka mtakatifu zaidi ya mara 20 kwakuwa filamu hiyo imenukuliwa kutoka kitabu hicho ambapo Brian amesema kusoma kwake kulimpa nguvu sana na moyo wa kuigiza filamu hiyo na kuweza kumfahamu vyema Yesu kuwa ni mtu wa aina gani.

watu wakiangalia filamu ya Yesu ambayo bwana Brian Deacon ni mwigizaji mkuu.

Katika miezi saba waliyochukua kuigiza filamu hiyo Brian amesema,walikuwa wanaigiza kwa masaa mengi kuanzia saa kumi za alfajiri mpaka mwisho wa siku kiasi kwamba wakati mwingine aliwaambia wenzake kwamba wamsaidie kwani amechoka sana hajui kwamba angeweza kuigiza kwa siku hiyo lakini anasema alikuwa anashangazwa na nguvu za ajabu alizokuwa akizipata na kuendelea kuigiza ingawa wakati huo nasema alikuwa mkristo jina wa kanisa katoliki,alikuwa anauwalakini kuhusu mafundisho na huduma ya Yesu kwa ujumla,siku moja wakati anaigiza alikuwa anawaombea watu mara mwanamke mmoja alishika mkono wake kumbe alikuwa na mapepo alimuombea na mapepo yalimtoka mwanamama huyo.

Siku nyingine waliokuwa wakiigiza kama wanafunzi wa Yesu wapatao 12 wakiwa ndani ya basi walikuwa wamepanga kugoma kutokana na malipo waliyokuwa wakipata cha ajabu Brian anasema director alikuja kumuomba yeye(Brian)azungumze nao warejee kazini akashangaa akamwambia mimi sio Yesu ni Brian Deacon,akaamua kuzungumza nao,baada ya masaa 36 walikubali kurudi kuendelea na kazi

Amesema mtihani mwingine ni siku alipokuwa hotelini Tel Aviv ghorofa ya 18 usiku mara kukawa na moto hotelini hapo baada ya mwingereza mmoja aliyekuwa akivuta sigara kusahau kuizima hivyo kusababisha moto,lakini anasema bahati nzuri hakuna aliyejeruhiwa ila walifanya kazi siku inayofuatia muda mrefu bila muongozaji kujali kwamba hawakulala vyema usiku.

watumishi wa Mungu wakiwa njiani kwenda kuonyesha filamu ya Yesu katika uinjilisti huko Kongo.

Amesema siku hiyo mmoja wa waigizaji anayeitwa Tom Panella alianzisha mada kwa kusema moto uliokuwa umetokea ni hila za shetani,na kusababisha mjadala wa muda mrefu ni vipi shetani anahusishwa kwenye swala hilo lakini jibu likawa,shetani hataki filamu hiyo irekodiwe ndio maana analeta hila zake.haikuwa kazi rahisi kurekodi filamu hiyo na pia si ujuzi wa kufurahia,baada ya kumaliza kurekodi kwa takribani miezi 18 ilianza kuonyeshwa kwa baadhi ya watu na ndipo hata yeye kwa mara ya kwanza akaona ni kwa jinsi filamu hiyo ilivyonanguvu,ukweli na kugusa mioyo ya watu. 
Baada ya filamu hiyo Briana anasema alirudi kuigiza majukwaani na kwenye runinga, ambapo kwa miaka zaidi ya 30 sasa tangu kutoka filamu ya Yesu tayari imetazamwa na watu zaidi ya bilioni tatu katika nchi 233(kwa takwimu za mwaka 2001),zaidi ya watu milioni 117 waliamua kubadilisha maisha yao na kumpokea Yesu,filamu hiyo ambayo ilitengenezwa chini ya Campus Crusade for crusade ambao kwasasa wanaitwa Life Ministry pia nchini Tanzania wapo chini ya mkurugenzi Dismas Shekhalage.ambapo tayari imetafsiriwa katika lugha zaidi 500 huku nyingine zaidi ya 200 zikiwa njiani kutafsiriwa. 
Brian anawaambia watu kwamba yeye ni mwigizaji tu na sio Yesu kama watu wengine na kuwataka watu hao kujua hivyo ambapo anasema ameendelea kupata barua mbalimbali za kumpongeza na kumshukuru kwa kazi nzuri aliyofanya kwenye filamu hiyo,ambapo kwa upande wake anasema anayo nakala ya filamu hiyo kwenye maktaba yake nyumbani kwao Uingereza,ambapo kwa takribani miaka 20 filamu hiyo imekuwa ikitazamwa duniani kote na kubadilisha maisha ya watu. 
kati ya filamu alizowahi kushiriki ni pamoja na A zed & Two Noughts ya mwaka 1985,The Feathered Serpent ya mwaka 1976-1978 na Tamthilia ya iitwayo Lillie iliyoigizwa mwaka 1978 akitumia j

SOURCE: JAMII FORUMS 

...YALAITI NINGELIJUA......

                                 

MTUNZI ...Mussa Shimba

  Nilijaribu kumuita lakini hakuniitikia na hata nilipomsogelea aliendelea kutembea bila ya kusimama. Nilijisikia vibaya sana, kwani nilijiona nimedharaulika. Hata watu waliokuwepo karibu walinitizama kwa nyuso za kuonyesha kuwa wananionea huruma. Nilibaki nikizungumza na nafsi yangu. "Hivi ni kweli Lema anaondoka na kuniacha, hapana siwezi kuamini nilimuamini kwa moyo wangu wote". 

Nilibaki nalia huku nikijisemea na moyo wangu "Ama kweli dunia hadaa, ulimwengu shujaa na asiyesikia la mkuu huvunjika mguu. Leo hii naumbuka kwa yote haya yaliyotokea katika maisha yangu, lakini mbona sijui kosa langu, inamaana ni kweli amenibadilikia kwa kiasi hiki. Lakini nakumbuka watu wengi walinikanya kuhusu tabia ya Lema lakini mimi nilikuwa nafanya mambo yangu kwa siri sana. 

Tizama sasa nabaki naumia na kuteseka peke yangu. Maisha yangu yote nilimuamini mwanaume huyu. Ndugu, jamaa na marafiki walinikanya lakini nilihisi labda wananione wivu leo hii najuta kwani siamini kama kweli Lema amenitendea yote haya. Alikuwa amejiinamia chini Salima huku akilia kwa uchungu. Maumivu makali moyoni mwangu eeh Mungu nisaidie.

Sikuamini kilichotokea, lakini ndiyo hali halisi maji yamekwisha mwagika hayazoleki tena.Nikiwa naendelea kuwaza alikuja rafiki yangu kipenzi Anna na kunishika begani huku akisema "Pole sana Salima muombe sana Mungu atakusaidia" Wakati Anna akiniliwaza machozi yaliendelea kunibubujika kwa wingi katika paji la uso wangu. Baadaye nilinyanyuka na kuelekea nyumbani taratibu.Maisha yangu yamekuwa na mtihani mkubwa sana. Baada ya kukutana na Lema mwanaume ambaye nilifikiri atakuwa ndiye chaguo la maisha yangu. Lakini haikuwa hivyo nikikumbuka siku ya kwanza tulikutana nikiwa natoka kazini kuelekea nyumbani nikiwa naendesha gari langu aina ya Rav 4. 

Katika maeneo ya Retico jioni usafiri huwa ni wa shida sana.Katika kituo cha daladala kulikuwa na watu wengi wakisubiri usafiri huo.Mimi nikiwa katika foleni kaka mmoja alikuja karibu na gari yangu na kunisemesha "Samahani dada, unaweza kunisaidia lifti" Nilimtizama yule kaka na kusema "Mimi naelekea Mbalizi,kwani wewe unaenda wapi?" Akanijibu kwa haraka "Naelekea hukohuko dada yangu naomba unisaidie" Haikuwa kawaida yangu kuwapa lifti watu barabarani hususani mtu nisiyemfahamu lakini niliamua kumsaidia huyu kaka.

Siku moja Lema aliniomba tutoke pamoja kwani kuna jambo angependa kunieleza. Siku hiyo ilikuwa ni siku ya furaha kwangu kwani nilikuwa napenda sana kuwa karibu na Musa wakati wote.Tukiwa tumeketi maeneo ya jiji la mbeya, Lema hakusita kuniambia juu ya hisia zake "Nikikutizama Salima wewe ni mwanamke mrembo sana, wakati mwingine najiona kama sistahili kuwa karibu yako lakini siku zinavyozidi kwenda, upole na ukarimu wako unanifanya nikupende zaidi. 

Natamani ungekuwa mpenzi wangu yaani uwe furaha ya milele katika maisha yangu, nakupenda sana Salima." Huku akiwa ananitizama alisema Lema.Mimi nilikuwa nimejiinamia kwa aibu "Asante Lema, hata wewe ni kijana mzuri sana.Ila siamini kama hauna mwanamke unayempenda." Lema alitabasamu nakusema "Nulijua utaniuliza hivyo, ni kweli nishawahi kuwa mpenzi lakini tulitenganana ni muda mrefu sasa niko peke yangu. Lakini moyo wangu umekutana na mwanamke mwenye kila sifa nilizokuwa nazihitaji ni wewe Salima naomba unipe nafasi katika moyo wako" Moyoni mwangu nilikuwa nikiwaza kwa kiasi gani nilikuwa natamani Lema awe mpenzi wangu na sasa hatimaye ndoto zangu zimekamilika.

Tulizungumza na baadaye nilimwambia Lema anipe muda nitafakari juu ya ombi lake. Baada ya wiki moja hatimaye tulifungua ukurasa mpya wa mapenzi motomoto. Nilimpenda sana Lema kwa moyo wangu wote. Nikiwa katika mahusiano ya kimapenzi na Lema sikuwahi kuwaambia marafiki wala ndugu zangu. Mapenzi haya niliyafanya siri kwa imani kwamba ipo siku Lema atakuja kujitambulisha nyumbani. Baada ya miezi mitatu, siku moja nilikutana na rafiki yangu mmoja anaitwa Sindy tulisalimiana "Jamani Salima nilikuwa nakutafuta sana, vipi mbona simu yako nikikupigia sikupati hewani au umebadili namba".

 Ni kweli nilikuwa nimebadilisha namba ya simu akaendelea kuzungumza "Unajua nilikuwa nakutafuta nikupe taarifa za msiba wa Belinda, si unajua alikuwa anaumwa sana" Nilishangaa kwani Belinda nilikuwa nikimfahamu "Maskini jamani, sikuwa na taarifa daah " Sindy akasema "Ndiyo hivyo ndugu yangu, huyu Lema atawamaliza wadada wa mjini" Nilihisi labda nilikuwa sijamsikia vizuri na kusema "Eti umesema Lema! Atawamaliza wadada wa mjini?".

 Niliuliza kwa shauku lakutaka kujua ni Lema yupi "Inamaana wewe humjui Lema kijana mmoja mtanashati. Anaishi karibu na maeneo ya pale kwenu yaani yule kijana anajijua kabisa ni muathirika lakini huwa anawaambukiza wadada wa mjini kwa makusudi" Nilihisi kuishiwa nguvu lakini ilinibidi nijikaze ili Sindy asielewe chochote.

Baada ya Sindy kuondoka, nilijikuta machozi yakinitoka na kuwaza sasa nitafanyaje kumbe Lema alikuwa na tabia chafu zilizojificha. Akili ikanituma niende kupima afya yangu kwanza. Maskini sintokaa nisahau ni kweli nilikuwa nimeathirika na moja kwa moja nilimjua aliyeniambukiza virusi vya UKIMWI na sasa nilirudi nyumbani huku nikiwa nimekata tamaa kabisa. Nilipofika nikiwa nmeketi kibarazani huku natafakari ghafla alipita Lema akiwa ameongozana na mwanamke nilimwita lakini hakuniitikia na hata niliposogea karibu alijifanya kuwa hanijui kabisa. Moyoni mwangu nilibaki naumia na kujuta kumuamini Lema kijana ambaye ni tapeli wa mapenzi na sasa ameniacha na maumivu ya milele.

"MAISHA NI KAMA KITABU"

Maisha ni kama kitabu.Katika maisha kuna walio nafuraha, wapo  walio na matatizo ikiwa ni pamoja na kuishi katika mzingira magumu, magonjwa nk. na yote haya hutokea katika maisha yetu, lakini unaambiwa hakuna kukata tamaa endelea kusonga mbele kwani leo unaweza kuwa na huzuni au maisha magumu lakini kesho maisha yakabadilika na ukawa mwenye furaha jambo la msingi usikate tamaa.

GOD BLESS YOU.

SIMULIZI "RAFIKI WA MAWANAMKE"

"Leo lazima nikuvunje miguu yote miwili mchawi mkubwa wewe" Ilikuwa ni sauti yenye hasira kali ikisikika, huku sauti ya mwanamke aliyekuwa anaongea kwa unyonge na kuomba msaada ikisema "Jamani unaniua mume wangu. Mama nakufa nisaidieni jamani nakufa" Jirani kulikuwa na wakinamama wameketi huku wakisemeshana "Yaani huyo mwanamke ni mjinga sana inamaana kupigwa kote huko bado anaendelea kuishi na huyo bwana" Dada mmoja akaongeza neno "Yaani hata mimi namshangaa sana huyu Mwanadodo, kwanza muache apigwe hadi atolewe macho, mimi wala sijali anayataka mwenyewe, kila siku tunaamua ugomvi tunamwambia aondoke huyu mwanaume hamfai, atakuja kumuua lakini mwenzetu hakomi, hata kama ni mapenzi mimi siwezi unaweza kufa hivihivi unajiona".

 Mmoja kati ya wale kidada aliyekuwa anaitwa Subira alisimama nakusema "Lakini jamani pamoja na yote twendeni tukamsaidie mwenzetu" Wote walimcheka na kunyanyuka huku wakiondoka na kumuacha Subira akielekea katika kile chumba alichokuwa akisikia sauti ya Mwanadodo Aligonga mlango bila ya mafanikio, akiwa ameendelea kusimama pale mlango ulifunguliwa na mume wake Mwanadodo alitoka bila ya kuzungumza chochote na kubamiza mlango kisha kuondoka na kumuacha Subira akiwa ameduwaa.

 SIMULIZI HII INAKUJIA HIVI KARIBUNI USIKOSE KUISOMA HADI MWISHO WAKE.

Topic: Muda mfupi Kabla ya Kukata roho: NINI HUTOKEA?

 Heshima mbele!!
Sijui niseme nimebahatika,au nina bahati mbaya,ya kushuhudia watu watano kwa nyakati tofauti wakikata roho.
Huu ndio uzoefu wangu:
1: Babu yangu alikata kauli kama siku nne hivi.
Siku ya tano akapata faham,tukaongea naye,na alikuwa mchangamfu mno,akituasa sana kuishi vema.
Baadaye akasema ana usingizi.
Akajifunika shuka.
DOKTA alipo kuja dk. Kumi baadaye akatuambia tutoke nje,
punde akatuambia babu ametutoka.

2: Ndugu yangu mwingne.
Alilazwa kwa siku tatu.
Akasisitiza sana mwanae aitwe.
Mwanae alipo fika tu,akamkumbatia,
alipo lala,kesho yake tukaambiwa kafariki.

3: nimewah lazwa hosp,na kuna ndugu alikata roho pembeni ya kitanda changu.
Alihangaika sana kwa kurusha miguu,kujitingsha etc kabla ya kukata roho.

Haya ni ambayo nimeshuhudia.
Lakini kuna tales nyng zingne walizo ona wengine.

SWALI:

Nini hasa hutokea kwenye mind ya mtu kabla ya kukata roho&anapo karibia kukata roho?
Karibuni.

By Pasco:
Hii ni situation inaitwa "near death experience!" ambayo hutokea kabla ya kifo, wakati ambao roho inaacha mwili!.

Nitawahadithia kidogo experience yang na kuwapa za wengine!.

Niliwahi kupata ajali mbaya sana ya pikipiki, ikasemekana "nimekufa!", nikafunikwa kanga, na kuachwa wakisubiriwa polisi kufika kuuchukua mwili!. Kwa kawaida nikikumbuka huwa napata "stigmata" hivyo subirini nipate kidogo, ndipo nije nihadithie, ilikuwaje hatimaye nikawa hai tena1, na mpaka leo mimi nipo!.

.
By hippocratessocrates:
Sijui kama nitakujibu au nitakuwa nje ya mada/swali.

"Kukata roho"..ni neno/msemo tunaoutumia kila leo pale mtu anapokuwa anakuwa/ameacha kupumua na hapa ni zaidi ya kupumua, moyo kutofanya kazi, na viungo vingine vya mwili vikiwepo mapafu, ubongo n.k

Hii ni tofauti kidogo na ile watu wanapoita yuko katika 'Coma/Brain dead'.

Kwa kawaida mwili wa mwanadamu hutegemea msukumo wa damu, hii ikiwa kupitia damu hewa safi na chafu husambazwa mwilini na hata viungo vingi mf. misuli kutegemea nguvu(sukari) kupitia damu hii hii.

Kimabadiliko ya mwili, mtu anapokaribia kukata roho vitu hivi hutokea.

Kupungua kwa shinikizo/msukumo wa damu kwenda sehemu mbalimbali za mwili, hapa namaanisha upungufu wa lishe, hewa safi, na uongezekaji wa taka mwili ambazo zingepaswa kusafishwa.Hii hupelekea

1. 'Kuchanganyikiwa'

Ubongo unapokosa hewa safi, hufanya mtu kuona/kusikia(HASA KUONA) vitu tofauti na wengine. hapa utasikia watu wakisema "eee, marehemu alisema kabisa malaika amekuja kumuijia", au " alituaga kabisa kuwa anaenda mbinguni" n.k

2.Mwili kuwa wa baridi:

Msukumo mdogo wa damu husababishwa upungufu/uwezo mdogo wa mwili katika utoaji wa taka mwili, lakini zaidi hata urudishwaji wa damu ili isafishwe huwa mdogo zaidi.

3. Mwili kutoka jasho, kuhangaika:

Wakati kukiwa na uwiano mdogo wa hewa safi na msukumo wa damu, Bado mwili hujitahidi kutengeneza/kufanya njia za kutafuta uwiano huo kuwa sawa! Hapa mtu atahangaika kuwa kama 'hewa haitoshi', na wakati fulani kutokana na msukumo kidogo ambapo kupitia damu nguvu(sukari hupatikana), mwili hutengeneza sukari(nguvu) mbadala pia kupitia misuli, ambayo kupitia kwayo, jasho pia hutengenezwa/kuzalishwa.

5. Kujisaidia/Kupata haja:

Wakati mwili pia ukiendelea "kuhangaika" kupata nguvu/nishati, baadhi ya 'sphincters' kutegemea nguvu hii au kwa ajiki ya kujikakamua, hasa katika kibofu cha mkojo na mwishoni mwa mfumo wa chakula, hujikuta vikipitisha choo kikubwa/kidogo au vyote.

Haya ni baadhi tu ya MENGI yanayotokea wakati mtu anapokaribia "kukata roho"

By Pasco:

Nimerudi naomba nianze kama ifuatavyo

Kuzaliwa na kifo ni sehemu mbili muhimu sana kwenye maisha ya mwanadamu, kuzaliwa ikiwa ndio mwanzo wa maisha na kufa ndio mwisho wa maisha, kama ilivyo kanuni ya kila lenye mwanzo lina mwisho, hivyo hakuna chochote cha kustusha au kustaajabisha kuhusu kifo kwa sababu tangu ile siku ya kwanza binadamu anazaliwa, ni hakika anajua siku ya siku itafika na atakufa!.
Binadamu ana sehemu kuu mbili, mwili na roho ambayo ndio huo uhai. Kwa mfumo wa imani, mwili umeumbwa kwa udongo, hivyo tumetoka mavumbini, na ni mavumbini tutarudi!. Baada ya kuumbwa kwa udongo, Mungu akatupulizia pumzi ya uzima, huu ndio uhai, hii ndio roho, hivyo mtu anapokufa, kinachokufa ni mwili tuu, roho haifi, bali roho huuacha mwili!, (inakwenda wapi- tembelea Life after death: What Happens After Death? - Jamii Forums). Kitendo cha roho kuuacha mwili, ndicho hicho kiitwacho, kukata roho!, na huo ndio mwisho wa uhai wa mwili, hiyo roho ikiisha uacha mwili, huendelea na maisha mengine, mbinguni, motoni, peponi, ahera, jehanum, kwenye reicarnation, spiritual world, etc!.

Hili la Mwili na Roho, "physical body" na "spiritual body" nimelieleza kwa kirefu katika mada yangu hii Psychic Powers: Ni Nguvu za Kufanya Miujiza. Wengi wanazo bila Wao Kujijua...nimesema hivi
Kuna aina nyingi za roho kuacha mwili, usingizini, kwa uzee, kwa kuugua, kwa kuuliwa, kwa kujiua au kwa ajali. Hivyo pilika pilika za roho kuacha mwili mara nyingi zinategemeana unakufaje, umejiandaaje kufa, na umejaaliwa kiasi gani kufa kifo chema!.
Kwa wanaokufa kwa kuuliwa, au ajali, mara nyingi hutegemea injury iliyosababisha kifo huanzia wapi, ikianzia kwenye brain au kwenye moyo, then kifo ni instant, there and then!, bila maumivu yoyote na bila kukura kakara zozote, na ndio maana wadunguaji, hulenga kichwa au moyo, na utekelezaji wa hukumu za kifo za kisasa au mtu atapigwa risasi ya moyo, au atachomwa sindano ya sumu kuusimamisha ubongo!, no pain!. Kunyongwa ni unyama!.
Kwa vifo vya uzee, mara nyingi hutokea usingizini, na hawa wazee huwa wamejiandaa kufa, na kuna wengine kutoka na kuzeeka sana, wanamuomba Mungu, awachukue tuu wasiendelee kuwa mzigo kwa waliobaki, hivyo wengi huita watoto wao, huwapa usia, na kusubiria tuu siku ya siku na hawa hawana kutapatapa kwa sababu wame accept death!. Ukiona anaekufa kwa uzee anatapatapa, ujue huyo ama haja accept, au anateseka kufidia mambo fulani mabaya aliyoyafanya wakati wa uhai wake hivyo malipo ni duniani, kama hajafa hupata mateso kufidia, na mateso hayo ndioko kule kutapatapa huwezi jua endaikawa anakula bakora ila nyinyi hamzioni!. "Ila pia kuna wazee ambao wamekataa kukiruhusu kifo, bado wanaishi ila ni katika miili mingine na mahali pengine!"
Wanaokufa kwa ugonjwa nao ni kama wanaokufa kwa uzee, wale wanaoaccept kifo, hufa kimya kimya usingizini, wale wasiokubali matokeo hutaka kulazimisha kuishi, ila ugonjwa tuu wenyewe as ugonjwa ni mapigo, hivyo akitapatapa ujue anamalizia kufidia, hizo pia ni bakora!.
Kwa wanaokufa kwa kuuwawa, au kwa ajali, hawa wanakuwa hawajajiandaa kufa!, hivyo kifo kwao ni unexpected, mtu anaweza kuwa amekufa mwili, ila roho yake bado haijaenda mbali na mwili, hivyo anaona na kuyasikia yote yanayoendelea, sometimes hadi mwili unaposhushwa kaburini, ndipo roho huondoka!. Kwa vifo vingi vya ajali ambavyo miili haikupatikana kufanyiwa mazishi rasmi, baadhi ya roho hizo hubaki zikitangatanga na ndizo mizimu, ama huwatokea watu etc, zinaitwa Ghosts auWandering Spirits, unaweza kunisoma hapa kuhusu hawa "wondering spirits! hapa!, "Psychic Powers: Ni Nguvu za Kufanya Miujiza.
Kisa changu. Mimi ni" bike lover" siku zote usafiri wangu ni bike, ninazo pikipiki 6!, tano kati yake ni big bikes over 750cc!, Mbili nimenunua bongo, tatu niliziagiza, moja niliifuata!. My last bike ni big flying machine aina Harley Davidson "Buel" Firebolt 1200 CC niliinunua US, bongo ilikuwa the one and only na mpaka leo sijabahatika kuona hiyo kitu kwenye streets za bongo, hivyo huwa ninakwenda nayo popote, I simply fly!. Speed yake ni 240kph!.
Wakati maonyesho ya 88 yakifanyika Morogoro, mimi nilikuwa nalala Dar, asubuhi na paa zangu kwenye Moro ni 1:45 hour ride! na jioni narudi Dar!. Dar -Dodoma ni 3:45 hours ride. Dar-Moshi ni 4 hour ride, Dar-Arusha 5hrs ride!, I was simply mad!. Mind well, my wife and my bog boys wote wana drive magari yao, to me bike was my choice for convenience!, hivyo I don't regret what happened to me na bike ilichonifanya!. Na nimefanya safari za hivyo mara kibao!.
Nimeisha onya mara kibao, hatari za kusafiri na bike long distance, sikusikia!. Ukipenda mno bike, unakuwa kama kichaa fulani hivi, husikii mpaka yakukute!. Siku moja nikitoka Dar-Dodoma, nikiwa mwendo wa 160kmh, nilipata ajali mbaya, nikabingirishwa nilipoangukia, ikawa ndio hapo hapo!. Sikujitambua tena mwili, bali nilisikia tuu sauti za watu wakisema, huyu jamaa ameishakufaa hapa hapa!. Nakasikia watu wakisema leta kanga tumfunike, tungojee polisi waje kuuchukua mwili!. From then, sikujua tena nini kilichoendelea!.
Kumbe huku nyuma kuna dereva mmoja wa TAMISEMI naye ni bike love, alikuwa akiipenda sana bike yangu na mara kibao tunapishana Dar-Dodoma. Sasa alipoona ile bike, akaijua na kuuliza huyu jama yuko wapi, akaambiwa kafa pale pale!, akapelekwa kuonyeshwa mwili ulipofunikwa!. Kwanza aliipiga picha ile bike kwa simu yake, kisha akaupiga picha mwili wangu ukiwa umefunikwa. Kisha akasema huyu mwenye piki piki, namfahamu, naomba kumfunua kujiridhisha kama ndiye yeye!, akaifunua ile kanga, kuniangalia akakuta ndiye!, akawauliza umepita muda gani, maana hata damu ilishaanza kuganda, wakamwambia nusu saa!. Akanigeuza kunipiga search akakuta simu, akapiga home na kuwaeleza alichoelezwa!. Sasa katika huko kunigeuza ndipo akasema mbona mwili bado wa moto?!, akanisikilizia kwa karibu akasikia napumua kwa mbali!.
Akasimamia nikabebwa kuwahishwa Dodoma hospital, kwenye pochi wakakuta kadi yangu ya AAR, wakawapigia, mimi kuja kuzinduka ni saa 6 za usiku, nimezungukwa, wife ndugu, waandishi wa Dodoma, polisi, ndipo nikakumbuka kilichotokea na zile sauti za mfunikeni!.
Tangu niliposikia zile sauti za mfunikeni, kimoyo moyo nikajisemea I can't die!. No way!. Kumbukumbu zikapotea mpaka nilipozindukia hospital!. Ndipo nikaambiwa baada tuu ya ajali, walikimbilia kuniokoa, wakakuta sipumui wala sitingishiki, hivyo wakajua nimekufa!.Jamaa akanionyesha zile picha!.
Japo kifo ni kweli kimeumbwa, ukijiandaa na kukubali kufa, unakufa!. Ukisema no to death, no matter umeumia kiasi gani, you might live!. Dodoma wakashauri wafanye amputation ya baadhi ya viungo!, AAR wakazuia, kesho yake asubuhi nikaletewa charter na kuwa flown to Muhimbili, bima yangu ilikuwa ndogo, ingekuwa kubwa ningepelekwa Nairobi. Pale Muhimbili, wakajitahidi walivyoweza, nikapelekwa South huko bili ikawa too much to bear, nikahamishiwa India, japo sikupona kabisa, but I'm still alive!.
Naombeni msiniulize maswali yoyote kuhusiana na hii ajali, ninapata tatizo liitwalo "stigmata" hivyo kurudiwa na maumivu makali!, ila mimi ni miongoni mwa hao tuliopitia "near death experience!".

Asanteni.

Reply
By Apolinary:
Swali lako gumu kulijibu.
Labda waliowahi kukata roho kama wangekua wanarudi kutuambia nini kilitokea. lakini katika hali ya kawaida huwezi kujua ni nini kinatokea pindi Binadam anapouacha Uhai!
Mkuu Apolonary,ni gumu,ila naamini linajibika.
Tuna magwiji wa philosophy,medicine na religious experts humu.
Tusubiri tuone.

Reply
Labda ujaribu kwanza then unaweza kutupatia jibu zuri maada watafiti jufanya majaribio

\

Reply

Mmh maswali mengine bwana, sijui mlengwa ni nani hasa....kuna maswali marahisi ambayo majibu yake ni magumu kama ni nini kinatokea muda mfupi kabla ya kuzaliwa na magumu ambayo majibu yake ni magumu pia kama hili lako la sasa!

Reply
King'asti
Hili Ni suali la msingi Sana. Huwa najiuliza Sana kuhusu hili.

Reply
Money Stunna
Ilo swali gumu kuna mjomba wangu mwaka juzi alituita caracas venezuela hakatuaga na kutoa wosia .
Usiku huo hakafariki ninachoshangaa mbona wengine wanajua siku yao

Reply
Sista
jamani mbonamnatutisha? wengine tuna roho nyepesi

Reply
Bujibuji
Hebu tufanye umwiliisho (reinarnation) Reincarnation - Wikipedia, the free encyclopedia

Reply
kinyoba 18:35 19th February 2014
Naskia roho inapokutoka lazima kimba kidogo kikutoke.. Waswahili wanakuambia inaitwa NGAMA. Yaani cha mwisho kabisa! Ndio maana hata lugha za mtaani utasikia neno NGAMA.. Yaani cha mwisho kabisa alichobakiwa nacho!

Reply
Pasco
Hii ni situation inaitwa "near death experience!" ambayo hutokea kabla ya kifo, wakati ambao roho inaacha mwili!.

Nitawahadithia kidogo experience yang na kuwapa za wengine!.

Niliwahi kupata ajali mbaya sana ya pikipiki, ikasemekana "nimekufa!", nikafunikwa kanga, na kuachwa wakisubiriwa polisi kufika kuuchukua mwili!. Kwa kawaida nikikumbuka huwa napata "stigmata" hivyo subirini nipate kidogo, ndipo nije nihadithie, ilikuwaje hatimaye nikawa hai tena1, na mpaka leo mimi nipo!.

Pasco.

Reply
Myakubanga
By Pasco:
Hii ni situation inaitwa "near death experience!" ambayo hutokea kabla ya kifo, wakati ambao roho inaacha mwili!.

Nitawahadithia kidogo experience yang na kuwapa za wengine!.

Niliwahi kupata ajali mbaya sana ya pikipiki, ikasemekana "nimekufa!", nikafunikwa kanga, na kuachwa wakisubiriwa polisi kufika kuuchukua mwili!. Kwa kawaida nikikumbuka huwa napata "stigmata" hivyo subirini nipate kidogo, ndipo nije nihadithie, ilikuwaje hatimaye nikawa hai tena1, na mpaka leo mimi nipo!.

Pasco.
Rudi mkuu Pasco

Reply
Mtokambali
Nafikiri hata kwa wale tuliowahi kufanyiwa operesheni ukiwekewa ile dawa wanaita nusu kaputi unahama ulimwengu huu,ule si usingizi bali nusu ya kifo. Kwa kawaida mambo unayoongea wakati ukipotelea usingizini na yale utakayoongea au kufanya ukiwa unarudiwa fahamu huwa ni sawa na experience ya mtu anayekufa aise. Na muda wote wa huo usingizi mzito huwa ni kama kifo japo unapumua,ubongo wako unakuwa umeonja mauti....

Reply
Sista
mada nzito hiiii

Reply
bunited

we c ajabu ushaanza kuitwa kwa mungu.fanya mpango anza kugawa urithi.km mjomba wako alipewa cku 4 we umepewa 6.fanya tu uende kwa amani.au muulize mzee wa upako yule anae fufua watu halafu uwaulize wale waliofufuliwa kwamba inakuwaje huko wakuu.

Reply
Myakubanga
By Bujibuji:
Hebu tufanye umwiliisho (reinarnation) Reincarnation - Wikipedia, the free encyclopedia
Ahsante mkuu Bujibuji.
Sasa,ndio kusema pale wanakuwa wanaenda huko kwenye state ya unyama,spirip au ubinadamu mwingine?
Naomba unielezee vizuri kuhusu hyo reinarnation.

Reply
Defend or die
We acha tu nilipata tabu sana wakati wa kukata roho ni ngumu hiyo afadhali ukate mpingo kwa kiwembe.

Reply
albuluushiy
By Pasco:
Hii ni situation inaitwa "near death experience!" ambayo hutokea kabla ya kifo, wakati ambao roho inaacha mwili!.

Nitawahadithia kidogo experience yang na kuwapa za wengine!.

Niliwahi kupata ajali mbaya sana ya pikipiki, ikasemekana "nimekufa!", nikafunikwa kanga, na kuachwa wakisubiriwa polisi kufika kuuchukua mwili!. Kwa kawaida nikikumbuka huwa napata "stigmata" hivyo subirini nipate kidogo, ndipo nije nihadithie, ilikuwaje hatimaye nikawa hai tena1, na mpaka leo mimi nipo!.

Pasco.
una mambo wewe

Reply
SOURCE: JamiiForums.com